AmbonVibes.com – Dong su dapa pangge mar sampe Salasa (2/9/2025) malang, 14 saksi parkara kas ancor deng bakar rumah di Desa Hunuth/Durian Patah, Kecamatan Teluk Ambon, Balong ada yang pi par stor muka ada di penyidik Ditreskrimum Polda Maluku.
Dua Kali Pangge Mar Seng Nodek
Kabid Humas Polda Maluku Kombes Pol Rositah Umasugi bilang, saksi-saksinsu dapa pangge mulai dar 31 Agustus. Ada tujuh saksi baru hasil cari tau polisi, tambah tujuh saksi lama yang sudah kamuka dapa pangge mar seng nodek.
“Dampe Selasa kalamaring, sondor satu lai yang datang, bae tujuh saksi baru, deng tujuh saksi yang dapa pangge ulang,” jelas Rositah.
Polda Minta Kooperatif
Polda Maluku rasa balisa tagal saksi-saksi seng mo karja sama. Mar biar bagitu, Rositah kase tau, penyidik tetap Kase jalang trus parkara ini Iko atorang.
“Katong harap samua yang su dapa surat panggilan bisa hadir. Proses hukum ini akang bajalang secara profesional deng transparan. Jadi mari sama-sama baku bantu, par capat kasus ini jadi jelas,” tegas Rositah.
Ia juga minta samua orang tahang-tahang hati, basabar, jaga ketertiban, dan kase waktu par penyidik bakarja.
Sampe oras, penyidik Ditreskrimum Polda Maluku su loko dua orang tersangka deng pariksa 34 saksi. Proses ini akang jalang trus par bongkar sapa-sapa lai yang tasangko kase ancor deng bakar rumah-rumah di Hunuth/Durian Patah. (Piere)
