AmbonVibes.com – Ratusan pencinta otomotif rame-rame kase pono kawasan Gong Perdamaian Dunia, Sabtu (30/8/2025). Dong samua Iko Amboina City Rally 2025. Acara ini jadi bageang pesta hari jadi ke-450 Kota Ambon, pas 7 September, Minggu muka.
Panitia dong pake tema Basar hari jadi kota: “Bergerak Bersama untuk Ambon, Maluku, dan Indonesia Terbaik”. Akang reli biking Ambon tambah rame paskali.
Lebe dari Sekedar Balap
Reli dibuka Wali Kota Ambon Bodewin Wattimena, didampingi Wakil Wali Kota Ely Toisutta, Ketua DPRD, Kapolres, Wakapolres, dan Kodim 1504 Ambon.
Waktu kase sambutan, Wali Kota Bodewin bilang reli ni bukang cuma soal balap-balap motor deng mobil.
“Ini juga jadi cara par baku dapa, promosi pariwisata, deng ajar masyarakat tentang pentingnya tertib lalu lintas,” jelas Wattimena.
Dia tambah, deng akang reli, peserta bisa berekspresi sekaligus kanal lebe banya potensi wisata di Ambon. “Harap reli bajalang tarus, jadi bagian dari pengembangan kota ke depan,” tambahnya.
Seru, Penuh Tantangan
Ketua Panitia Baru Pitalakua, kase laporan, peserta yang iko reli ada 90 motor deng 120 oto dari Ambon dan deka-deka Ambon.
Reli dirancang deng format rahasia: peserta musti jawab soal berisi clue dan teka-teki untuk bisa dapa rute dan pos-pos tertentu.
“Ini seng cuma soal kecepatan, tapi juga kecerdasan. Peserta harus jawab soal, cari pos, sambil manjura KA tampa-tampa wisata di Ambon. Bagitu par dong lebe kanal kota ini lebih dalang,” bilang Pitalakua.
Peserta juga nanti lewat jalur Special Stage (SS) buat ukur ketepatan waktu. Kalo salah ambe rute atau langgar atorang, langsung dapa poin hukuman. Juara baru diumumkan seminggu setelah reli.
Pesan Par Jaga Diri di Jalang
Wali Kota Bodewin juga kase inga peserta par seng biking reli par jadi alasan balap takaruang di jalang.
“Ini bukan par balap liar. Katong mo kasih pesan tertib lalu lintas. Jalan harus jadi ruang aman par semua,” tegasnya.
Acara ini lahir dari kolaborasi antara Pemkot Ambon, komunitas otomotif lokal kayak Yogip, dan masyarakat yang peduli pariwisata serta budaya kota. (Piere)
