AmbonVibes.com, Kendari – Gubernur Maluku Hendrik Lewerissa (HL) ajak samua orang Maluku di rantau, terutama diaspora, par jadi penyebar pesan dame. Katanya, pembangunan Maluku seng bisa jalang deng bae kalo hubungan orang basudara seng bae.
HL sampekan pasang ini waktu bakudapa silaturahmi deng basudara Maluku di Kota Kendari, Sulawesi Tenggara, Selasa (26/8) malang. HL pi Kendari, mar ada Ketua DPRD Maluku Benhur Watubun batamang antua lae.
“Beta rasa luar biasa bisa baku dapa langsung deng basudara samua di rantau. Malang ini pono berkat,” bilang HL deng muka snang.
Maluku Masih Banyak PR
Waktu kase sambutan, HL bilang Maluku masih pung banya pekerjaan rumah. Maski kaya sumber daya alam, Maluku masih dapa catat sebagai provinsi paleng miskin nomor dalapang di Indonesia.
“Anam bulan anam hari beta jabat gubernur, masih banya hal yang harus beta benahi. Palang-palang, satu-satu katongurus,” kata HL.
Bangun Maluku, Bukan Cuma Infrastruktur
HL tekankan, pembangunan bukang cuma soal jalang, jambatang, atau gadong. Lebe penting, kata dia, bangun hubungan sosial yang dame.
“Kalau katong gagal jaga hubungan basudara, parcuma. Bakalae itu biking samua ancor, seng ada yang manang, samua rugi,” tandas HL.
Dia juga biking inga orang Maluku di rantau par bisa jadi duta dame, apalai di media sosial.
“Mari katong pake media sosial par sebar pesan hidop basudara, bukang carita kewel atau baku binci. Hidup dame itu fondasi kuat par bangung daerah, lebe penting dari proyek apa saja,” tambah HL. (red)
