Nah, Gubernur Krisantus bar abis lantik Dewan Pimpinan Pusat (DPP) Perkumpulan Basudara Maluku Provinsi Kalimantan Barat masa bakti 2026–2031 di Pendopo Gubernur Kalimantan Barat, Kamis (16/7/2026).

Dalang akang prosesi, Samuel Solissa resmi dapa lantik jadi Ketua Umum DPP Perkumpulan Basudara Maluku Provinsi Kalimantan Barat periode 2026–2031.

Pada kesempatan itu, Krisantus ucap salamat par kapangurusan yang baru sakaligus kase apresiasi par pangurus sabalong ini, yang barhasil bangong organisasi sabage wadah pamarsatu masyarakat Maluku di Kalimantan Barat.

“Beta ucap salamat par DPP Parkumpulan Basudara Maluku Provinsi Kalbar masa bakti 2026–2031 yang baru saja dapa lantik. Danke par pangurus lama, yang su biking organisasi ini barkambang. Samoga kapangurusan yang baru tambah solid deng mampu biking sayap organisasi ke saluruh pelosok Kalbar,” ujar Krisantus.

Manurut Krisantus, kabaragaman marupakan kakuatan utama Kalimantan Barat. Samua suku yang hidup di provinsi Kalbar, kata dia, pung posisi sama sabage bageang dar kaluarga basar Kalimantan Barat.

“Beta inging 24 suku di Kalbar jadi warna keindahan Kalimantan Barat. Parbedaan bukang par baku tatoki mar jadi kakuatang yang biking mooi daerah ini,” katanya.

Dalang sambuta, Krisantus kase tau komitmen Pemerentah Provinsi Kalimantan Barat par apus stigma masyarakat asli mopun pandatang.

“Dar tempo Katong dapa lantik, Katong janji dar lubuk hati yang paleng dalang. Seng ada lai istilah asli deng seng asli. Seng ada lai istilah pandatang deng nonpandatang. Samua yang hidup, bakarja, deng mambangong di Kalbar adalah putra-putri Kalbar,” tegas Krisantus.

Dia bilang, Kalimantan Barat sabage miniatur Indonesia tagal barbage suku bangsa hidop baku birman paleng harmonis. Tanlgal itu, semua masyarakat pung tanggong jawab par jaga kaamanan, katartiban, deng kadameang daerah.

Krisantus juga bilang, pemerentah seng mo toleransi organisasi ato kalompok mana pun yang mo kas tapica karukunan masyarakat.

“Beta seng mo toleransi kalompok ato organisasi mana pun yang coba-coba biking konflik di Kalbar. Sapa pun yang ganggu kaamanan deng katantaraman masyarakat, nanti katong tankis. Kadameang Kalbar akang harga mati,” ujar Krisantus.

Dia mangajak samua elemen masyarakat tarus biking kuat toleransi antarumat baragama mopun antarsuku deng biking parbedaan sabage parekat parsodaraan.

Krisantus juga dorong Parkumpulan Basudara Maluku par tarus biking budaya Maluku jadi lestari malalui barbage kagiatang seni deng budaya di Kalimantan Barat.

“Beta harap masyarakat Ambon di Kalbar aktif dalang satiap kagiatang budaya. Kas nae budaya Maluku asli-asli, molai dar pakeang adat, tarian sampe kuliner. Kaaslian budaya itu akang tamba biking kaya kabelaragaman Kalbar,” pesan Krisantus.

Salaeng itu, dia singgung potensi sumber daya alam Kalimantan Barat yang basar, yang musti dapa kalola par kasajahteraan masyarakat.

“Kalbar ini kaya paskali. Katong pung emas, bauksit, tanah jarang, silika, intan sampe uranium. Mar kakayaan itu musti banar-banar pake par kasajahteraan masyarakat Kalbar sasuai amanat konstitusi,” kata Krisantus.

Manurut dia, pemerentah daerah mo tarus biking bae tata kalola sumber daya alam par investasi yang maso banar-banar kase manfaat nyata par masyarakat.

Samantara itu, Ketua Umum DPP Perkumpulan Basudara Maluku Provinsi Kalimantan Barat periode 2026–2031bSamuel Solissa sampekan ucapan dangke banya par pemerentah Provinsi Kalimantan Barat atas dukungan tarhadap palaksanaan pangukuhan.

Dia bilang deng tegas, organisasi yang dia pimpin mo taros pikol filosofi Katong Samua Basudara sabage samangat parsodaraan, toleransi, deng kabarsamaan di tengah masyarakat yang majemuk.

“Katong komit kas tarus program kapangurusan sabalong ini, deng tarus sinergi deng Pemprov Kalbar deng samua paguyuban lintas etnis par bangonh Kalbar deng seni, budaya, juga samangat parsodaraan,” ujar Samuel.

Acara pangukuhan dong tutu deng panampilan kesenian tradisional Bambu Gila khas Maluku. Akang dapa sambutan rame paskali dar tamu undangan. Akang atraksi jadi simbol hidop orang basudara yang malaikat, sakaligus kakayaan budaya yang taus kas kuat kabaragaman di Kalimantan Barat. (Red)

Pardana Menteri kase kaluar parnyataan minta maaf dalang upacara paresmian Monumen Komunitas Maluku Nasional di Rotterdam, Minggu (22/6/2026).

Dalang pidato, Jetten mangaku barbage parlakuan seng layak yang komunitas Maluku dapa biking, tarmasuk pamecatan sondor hormat sabage tantara, kondisi parumahan yang tarbae, sampe panalantaran biking orang Maluku paleng manderita.

“Atas pangabaian dan paneaantaran, atas karinduan yang seng kunjung sembuh akan tanah air, dan atas kasedihan yang banya kaluarga Maluku tarima, beta minta maaf par komunitas Maluku,” ujar Jetten.

Dia manegaskan, dampak parlakuan itu seng cuma generasi partama yang dapa malaengkang juga turung par generasi barikut.

Jetten bilang, parmintaan maaf itu musti dapa iko deng langkah konkret dar Pemerentah Balanda, maski sampe oras bentuk tindakan lanjutan masih dalang pambahasan.

Jetten pung parnyataan itu dapa sambutan topo tangang dan sorakan dar para hadirin yang ada dalang akang upacara.

Pasca-kemerdekaan Indonesia, sakitar 12.500 tentara Maluku yang parnah bartugas di Angkatan Darat Kerajaan Hindia Belanda (KNIL) barsama dong pung kaluarga dapa bawa ka Balanda.

Mar, sampe di Balanda, dong dapa taruh di barbage kamp bakas konsentrasi Nazi di sajumlah wilayah, yang jadi bageang dar catatan kelam sejarah hubungan Balanda dan komunitas Maluku (Red/RCTI)

Dong gelar ziarah di Taman Makam Pahlawan (TMP) Kesuma Trikora Waena, Kota Jayapura, Kamis (14/5/2026), sebagai bentuk penghormatan buat jasa para pahlawan.

Kegiatan ini dipimpin langsung oleh Ketua Umum IKEMAL Tanah Papua L. Christian Sohilait. Prosesi tabajalang deng khidmat, mulai dari upacara penghormatan, peletakan karangan bunga, sampe tabur bunga di makam para pejuang.

Bukang cuma itu, rombongan jua sampat tabur bunga di makam pahlawan asal Maluku, termasuk di pusara almarhum Herman Asaribab, mantan Wakasad yang juga putra terbaik Papua.

Lari Obor Jadi Kegiatan Utama

Sohilait bilang, peringatan HPN Pattimura ke-209 tahun ini seng cuma dipusatkan di satu tampa saja, tapi dilaksanakan serentak di berbagai wilayah di Tanah Papua.

“Intinya, Lari Obor Pattimura jadi kegiatan utama. Abis itu baru ada resepsi di masing-masing kabupaten deng kota,” kata dia ke wartawan usai ziarah.

Salaaeng itu, ada juga berbagai kegiatan lain yang digelar, mulai dari lomba lari, hiburan rakyat, pengobatan gratis, sampe kerja bakti sosial.

Ajakan Buat Generasi Muda

Sohilait juga kasih apresiasi buat semua warga Maluku di Tanah Papua yang su iko ambil bageang dan sukseskan rangkaian kegiatan ini.

“Beta apresiasi samua warga Maluku di Tanah Papua yang su bikin berbagai kegiatan untuk peringati Hari Pattimura ke-209,” ujarnya.

Lebih jauh, dia ajak generasi muda Maluku supaya terus jaga dan teladani semangat perjuangan Thomas Matulessy dalang kahidupang sahari-hari.

“Semangat Pattimura 209 tahun lalu itu harus jadi semangat Pattimura-Pattimura muda hari ini, di mana saja dong ada—baik di pemerintahan, TNI-Polri, pendidikan, maupun swasta, khususnya di Tanah Papua,” tegasnya.

Di akhir, Sohilait berharap momentum ini jangan cuma jadi seremoni tiap tahun, tapi jadi pengingat penting soal persatuan, pengabdian, deng semangat nasionalisme dalam bangun bangsa.

“Selamat Hari Pattimura ke-209,” tutup dia.

(red)

Tradisi yang top deng sebutan pukul sapu ini su jadi ritual budaya yang rutin biking saban 7 Syawal, satu minggu abis Hari Raya Idulfitri. Di Maluku, tradisi itu bahkan su jadi agenda saban taong dan akang maso dalang kalender festival pariwisata daerah.

Sekretaris Ikatan Keluarga Maluku (Ikemal) Pusat di Tanah Papua Haris Siloe bilang baku pukul sapu yang dong biking, marupakan bentuk komitmen masyarakat parantauan par piara warisan budaya leluhur.

“Katong dari Ikemal di Papua paleng mandukung baku pukul sapu yang pemuda di Jayapura biking akang hari ini. Kagiatan ini saban taong biking di Mamala deng Morella pas 7 Syawal, abis Idulfitri,” ujar Haris.

Haris bilang, tradisi baku pukul sapu lidi su ada dar lama dan jadi bageang dar identitas budaya masyarakat Maluku Tengah, lebe spesial di Mamala-Morella.

Manurut Haris, palaksanaan tradisi ini seng bisa tunda akang tagal akang ada kaitan erat deng atorang adat yang su jadi warisan turung-tamurung.

“Kagiatan ini juga barlangsung di Ambon karena palaksanaannya seng bisa tunda. Kalo tunda, su seng sesuai adat,” kata Haris.

Haris ada tambah, makna tradisi itu adalah simbol kaparkasaan dan katangguhan para pemuda dalang manghadapi pukulan. Maski deng mata talanjang lia akang saki sampe biking luka, mar bagitu sudah bageang dari ritual adat.

“Donhg yang dapa luka nanti biking bae pake minya khusus jadi seng ada cacat ato bakas. Ini bageang dar budaya leluhur,” jelas Haris.

Samantara itu, Katua Masyarakat Morella di Jayapura Ilham bilang, tradisi baku pukul sapu su jadi simbol parsaudaraan yang kuat di antara masyarakat.

“Baku pukul sapu ini akang memang saki, mar ini su jadi budaya ato adat leluhur. Pada saat partama dapa pukul seng tarasa, mar lebe lama dapa pukol lebe seng ada rasa,” ujar Ilham.

Dia bilang, tradisi itu seng bikin dendam di antara peserta, karena dong biking akang dalang samangat adat dan kabarsamaan.

“Abis baku pukul, seng ada rasa dendam, karena ini adat Maluku. Sapa saja boleh iko dalang kegiatan ini,” tambah Ilham.

Manurut Ilham, pasarta yang luka biasa dapa obat pake bahan-bahan alami macang daong jarak, jadi seng ada bakas.

Malalui kagiatan ini, masyarakat Maluku di parantauan baharap tradisi baku pukul sapu tetap lestari, sakaligus jadi pangikat identitas budaya dan parsaudaraan di tanah rantau. (red)

Nathan tinggal di Jalang Daeng Tata Lama, Kalurahan Mangasa, Kecamatan Tamalate, Kota Makassar. Orang dapa dia su seng banafas, Rabu, 25 Maret 2026, pagi.

Orang-orang birman di situ dapa Nathan seng bagara lai jam 09.30 WITA. Itu juga tagal ada pasang maso di HP warga yang kastau, ada ana kos di tampa itu seng angka-angka telepon.

Ada saksi yang bilang, Nathan pung bini minta bantu kas bangong dia pung laki tagal seng bisa dapa bicara di telepon. Bini su telepon ulang-ulang mar dia seng angka-angka.

Saksi iko Nathan pung bini pung mau. Saksi pi di korban pung kamar, mar sondor ada jawaban dar dalang kamar. Waktu dong buka pintu, Nathan ada dalang kamar mar su seng banafas.

Saksi langsung lapor ka bapa-ibu kos deng Katua Lingkungan. Lalu dong lapor akang ka polisi.

Sakitar jam 10.00 WITA, polisi sampe di kamar kos langsung biking olah tampa kajadian parkara (TKP). Abis itu, tim Biddokkes Polda Sulsel deng Inafis iko pariksa di tampa kajadiang.

Polisi bawa jenazah Nathan ke Rumah Sakit Bhayangkara par pariksa lebe jao.

Dan Tim Ipda Sultan Forensik Biddokkes Polda Sulsel mangaku, banar ada panamuan mayat di kamar kos.

“Katong su kumpol katarangan dar saksi-saksi deng biking panyalidikan lebe lanjut,” Ujar Ipda Sultan pada Rabu, 25 Maret 2026.

Ipda Sultan bilang, hasil pamariksaan awal, seng ada tanda-tanda kakarasang ato barang-barang bahaya dalang kamar kos.

Polisi minta masyarakat tetap tanang dan kase biar polisi karja par ungkap kamatian Nathan. (Red)

Insiden tragis itu biking sorang pakarja maninggal dunya tatindis besi H-Beam. Besi pung barat kira-kira lima ton, waktu itu dong ada angka material di tampa karja.

Kapala Seksi Hubungan Masyarakat Polres Halmahera Tengah Ipda Amir, waktu dapa konfirmasi pake WhatsApp bilang kacalakaan karja itu batul akang jadi bagitu.

Paristiwa itu tarjadi kira-kira jam 09.30 WIT di lokasi Elektrodisi 4 PT KAI di dalang kawasan industri IWIP.

Korban pung nama inisial MH (22), pekerja yang berasal dari Kelurahan Ketsoblak, Kecamatan Pulau Dullah Selatan, Kota Tual.

“Bardasar katarangang saksi di lokasi kajadian, insiden barmula waktu angka besi H-Beam pake alat barat crane par muat akang ka atas mobil truk trailer,” terang Amir.

Saksi B, operator trailer dari PT MCC11, mangaku pas abis besi H-Beam dapa angka pake crane dan kas badiri di atas truk trailer, ada sorang pakerja asal Tiongkok bilang korban par lapas clamp yang masih taaikat di besi.

Waktu korban ada samantara lapas clamp di besi H-Beam yang pung panjang kira-kira 9 meter deng lebar 2 meter, tiba-tiba anging kancang batiup dan biking besi jatuh.

“Besi itu masih dalang posisi badiri, lalu angin kencang datang. Besi H-Beam itu jatuh kas samping kiri truk trailer. Korban iko jatuh dan tatindis besi,” ungkap saksi.

Saksi laeng inisial A, operator secman, mangaku lia korban nae ka atas mobil trailer par membuka tali sling yang masih talingkar di besi H-Beam.

Waktu korban samantara kerja, besi tiba-tiba tatiup anging kancang dan jatuh. Korban iko tajatuh ka samping truk trailer dan langsung tatindis material berat itu. Akibat insiden itu, korban luka berat dan meninggal dunia di tampa kajadiang.

Paristiwa ini manambah daftar panjang kacalakaan karja di kawasan industri IWIP. Sampe saat ini, kepolisian masih biking pandalaman atas insiden itu.

“Katong balong bisa kase katarangang lebe detail, karena proses panyalidikan masih bajalang,” ujar Amir. (red)

Momentum ini kas baku dapa sakitar 170 warga Maluku yang tinggal di barbage wilayah, mulai dar Lampung Timur, Lampung Barat, Lampung Selatan, sampe Kota Bandar Lampung. Dong samua hadir par rayakan Kajadiang dalang samangat parsudaraan, kabersamaan, dan nilai-nilai budaya pela gandong yang jadi identitas orang Maluku.

Pandita Deasy Wattimena-Kalalo waktu pimpin Ibadah Kajadiang, sampekan pasang tentang pamulihan kaluarga deng samua ciptaan. Dalang khotbah, Pandita angka filosofi lagu Gandong sabage simbol kuat parsudaraan orang Maluku.

Dia tekankan, syair lagu itu, deng warisan hidop orang tetua dolo-dolo, marupakan pedoman panting par warga KBML mo tarus jaga karukunan deng kasih, lebe khusus waktu hidop di tanah rantau.

“Nilai-nilai ini musti tarus hidop deng jadi pegangan, par katong tetap baku biking kuat sabage orang basudara,” pesannya.

Kepala Kantor Wilayah Kementerian Hukum Maluku Saiful Sahri selaku Ketua KBML dalam sambutan yang Wakil Ketua M. Johan Latuputty baca akang, managaskan Har Kajadiang seng boleh lia akang cuma agenda rutin sabang taong.

“Jang biking Kajadiang cuma sabage kagiatang seremonial macang halal bihalal, mar sabage momentum par biking kuat kumbali ikatan kakaluargaan,” ujarnya.

Saiful, yang juga bakas Kapala Lapas Kelas I Bandar Lampung, biking inga, samangat Kajadiang mustu jadi inspirasi par samua warga Maluku di Lampung par tarus piara karukunan, kabarsamaan, deng kapadulian antar sesama.

Malalui pesan dalang bantuk tulisan, Dia ajak samua kaluarga basar KBML biking kasih Natal sabage landasan hidup orang basudara, sakaligus kase kontribusi nyata par masyarakat deng Pemerentah Provinsi Lampung manuju Indonesia Emas 2045.

Kamariahan acara lebe tarasa deng kahadiran tamu undangan dar barbage latar belakang, tarmasuk Anggota Komisi III DPRD Lampung, parwakilan komunitas Tongkonan Toraja, deng Karukunan Kaluarga Kawanua.

Kehadiran lintas komunitas ini biking tegas samangat toleransi dan kabaragaman yang tarus dapa jaga dalang warga Maluku di Lampung.

Sapanjang acara, hadirin dapa hibur deng atraksi seni yang biking eleng. Ada Vocal Group Perwama, Raymond Lekatompessy and Friends, deng Vocal Group Exodus yang manyanyi lagu-lagu rohani yang biking haru deng sukacita.

Seng katinggalan, anana KBML tampil lincah bawa tarian tradisional Maluku yang dapa sambut deng topo tangang samua undangan.

Parayaan barlangsung khidmat, dong tutu deng sesi ramah tamah. Di tengah jarak yang biking tapisah dar tanah kalahiran, warga Maluku di Lampung buktikan, ikatan pela gandong tetap kokoh deng seng lekang oleh waktu.

Malalui parayaan Kajadiang ini, KBML harap bisa tarus jadi wadah pamarsatu, panguat, sakaligus rumah barsama par samua warga Maluku di tanah rantau. (red)

Parayaan Kajadiang ini jadi ruang ibadah par umat Sarane, deng jadi momentum silaturahmi lintas iman. Warga Maluku Muslim, barbage elemen masyarakat, deng sajumlah tokoh iko hadir. Samua ini jadi bukti parsudaraan Maluku tetap tajaga malampaui sekat agama.

Pake tema “Allah Hadir Untuk Menyelamatkan Keluarga” (Matius 1:21–24), Natal ini managaskan kumbali nilai kakaluargaan sabage identitas utama orang Maluku di tanah ranto.

Suasana khidmat mangawali rangkean acara malalui ibadah Natal khusus umat Sarane. Maski ujan basar turun di Yogyakarta, akang seng biking kurang kakhusyukan jamaat yang memadati ruangan.

Romo Agustinus dar Gereja Katolik pimpin ibadah ini. Dalang khotbah, Romo ajak samua hadirin par pandang diri sabage satu kaluarga basar yang dibimbing oleh Sabda Tongala

“Tarang Sabda Tongala akang tuntun katong par paham bahwa kahadirang Allah pung tujuan salamatkan dan pulihkan kaluarga,” ujar Romo Agustinus.

Dia juga mangulas makna Yesus sabage Mesias—sosok taurap yang dalang sejarah Bangsa Yahudi dong tunggu sabage pambebas. Mar, manurut Romo, kahadiran Kristus bawa pasang yang jao lebe luas, yakni kasalamatan par samua umat manusia, bukang hanya pambebasan politis saja.

Abis ibadah, suasana lebe angat waktu Kaluarga Basar Maluku non-Kristiani mulai bagabung. Hadir dalang kasampatan itu Persatuan Wanita Maluku (PEWARMA-INA) DIY, Pengurus IKPM DIY, juga Kaluarga Basar Pengajian IKAPELAMAKU.

Kahadiran dong samua jadi bukti, nilai kakaluargaan tetap badiri kokoh di atas sagala parbedaan kayakinan.

Acara jadi lebe rame deng rupa-rupa panampilan seni. Grup Noakustik buka sesi hiburan deng lagu “Damai Bersamamu”. Abis itu panampilan megah Paduan Suara GPIB Margamulya, Vokal Grup PKM–IKAPELAMAKU, deng Cantus Divinus.

Ana-ana iko biking rame deng tarian Natal Feliz Navidad yang biking samua gambira, tarmasuk perwakilan Kapolda DIY, Pembimas Kristen DIY, serta Lurah Madurejo.

Sabage simbol parsatuan, ada prosesi panyalaan lilin Natal dar Katua PKM, Ketua IKAPELAMAKU Hatta Tuasikal, deng tamu-tamu kahormatan. Lilin-lilin itu jadi lambang tarang persaudaraan keluarga besar Maluku di tanah rantau.

Ketua Persekutuan Kristen Maluku (PKM) sekaligus pemilik Yayasan Indocharis, Pendeta Onwin Frans Hetharie sampekan rasa syukur par parayaan ini.

Dia tegaskan, tema Natal taong ini paleng relevan deng nilai Pela Gandong yang junjung tinggi parsudaraan.

“Allah seng cuma hadir di tampa ibadah, mar juga di tengah pargumulan ekonomi, pendidikan, dan air mata keluarga. Kalo kaluarga Maluku kuat dalang iman, maka persekutuan ini akan jadi berkat par Yogyakarta, Maluku, dan Indonesia,” katanya.

Rangkean acara ini, tutu deng sambutan parwakilan Kapolda DIY AKBP Bonifasius Slamet, Pembimas Kristen DIY Ibu Wulan, Lurah Madurejo H. Sumadi, serta Ketua Panitia Ibu Denie Unarapal.

Sabage puncak kabarsamaan, semua makang patita deng menu khas Maluku macang papeda deng ikan kuah kuning.

Perayaan ini maninggalkan kesan mandalam: di Yogyakarta, samangat kakeluargaan orang Maluku tetap manyala, malampaui sekat-sekat parbedaan kayakinan. (red)

KKBM kas turung penari deng penyanyi yang biking penonton eleng di muka Panggung Budaya Padan Liu’ Burung, Malinau, Selasa (21/10/2025).

Artis-artis Maluku manari cakalele, orlapei, lenso, deng manyanyi lagu Nusaniwe, ciptaan Bing Leiwakabessy. Dong juga biking persembahan simbolik pohon sagu.

Samua yang dong kas unju akang biking gerat penonton. Orang Maluku jua bangga paskali bisa Iko festival.

Ketua Panitia Festival Sertu Fahmi Makiang paleng apresiasi dukungan pemerintah dan masyarakat par biking sukses festival.

“Festival ini bukang cuma manyanyi manari di panggung mar juga kesempatan par kas kanal budaya Maluku, dar tarian, musik, sampe makanang khas par orang banya. Anana yang iko jua bisa kanal dong pung jati diri mereka,” ujarnya.

Ketua Paguyuban KKBM Maluku Bung Stein Lefta bilang paguyuban sakarang pung 400 anggota dari macang-macang profesi, mulai ASN, TNI/Polri, pengusaha, sampe petani, yang hidop harmonis bae-bae deng orang Kalimantan.

“Paguyuban ini badiri deng samangat Basudara daleng masohi. Katong dukung pemerintah pa samua pung bae,” katanya.

Bupati Malinau Wempi W. Mawa kase apresiasi par orang Maluku.

“Budaya itu katong dan katong itu budaya. Danke par samangat deng warna Maluku dalang acara Irau taong ini,” katanya.

Bupati Wempi ajak orang Maluku di Malinau par tarus jaga ikatang dan iko bangong daerah.

“Mari katong piara hidop orang basudara par Malinau yang maju dan sejahtera,” tutupnya. (red)

Menurut keluarga, R dapa bawa oleh pasangan laki-bini SL dan IU, September 2025 deng janji bantu seorang parempuan nama Imelda yang ada badan dua.

Sampe di Bali, carita jadi laeng. R dapa taruh di tampa spa yang seng pung izin usaha. Dia dapa tahang, dan seng boleh pulang ka keluarga kalo seng bbayar denda Rp50 juta.

RB, salah satu anggota keluarga bilang, korban sempat hubungi dong lewat pesan suara WhatsApp, 15 Oktober 2025. “Dia bilang seng dapa kas makang dua hari, badang-badang lombo Skali,” kata RB.

Upaya keluarga kirim kerabat par jemput R di lokasi juga dapa tola pihak manajemen spa.

“Dong bilang kalo mo bawa pulang R, harus bayar kontrak Rp50 juta. Ini jelas pemerasan. R dapa bawa ke Bali bukang par karja, seng ada perjanjian resmi,” tegas RB.

Sampe sakarang, komunikasi dengan R paling susah, sementara tekanan psikologis dan pembatasan kebebasan diduga dialami korban.

Keluarga meminta aparat penegak hukum segera turung tangang, termasuk:

1. Polda Bali dan Polda Maluku selidiki dugaan tindak pidana perdagangan orang (TPPO), eksploitasi tenaga kerja, dan penahanan ilegal.
2. Kementrian PPPA, Komnas Perempuan, dan BP2MI par evakuasi dan dampingi korban.
3. Pemerintah Provinsi Maluku dan Pemda kabupaten asal korban bantu ambe pulang dan rehabilitasi.

RB bilang, R bukang pekerja migran formal, melainkan dibujuk secara kekeluargaan sondor kontrak dan upah layak.

“Ini bukang cuma soal keluarga katong. Ini soal kemanusiaan dan perlindungan perempuan muda dari praktik perdagangan orang,” kata RB.

Keluarga harap perhatian publik, lembaga masyarakat, dan media bisa bantu kawal kasus ini agar pelaku bisa dapa proses hukum. (red)