Benhur bilang akang par awak media, pas abis Rapat Paripurna Panyarahan Laporan Hasil Pemeriksaan (LHP) BPK Perwakilan Maluku atas Laporan Keuangan Pemerintah Daerah (LKPD) Provinsi Maluku Taong Anggaran 2025 di Gedung DPRD Maluku, Senen (8/6/2026).

Benhur bicara tegas, rekomendasi BPK musti pemerentah tindak lanjut akang deng sarius. Katua DPD PDI Perjuangan Provinsi Maluku itu mangaku, sajumlah temuan yang BPK su sampekan, parlu lakas biking batul akang tagal akang bawa pangaruh par kinerja pemerentah deng pangalolaan kauangan daerah.

“Samua pihak, tarutama pemerentah daerah, seng boleh maeng-maeng deng rekomendasi BPK. Apa yang BPK biking itu objektif par biking bae kinerja katong eso-eso. Justeru deng bagitu, BPK su tolong katong pung saparuh parjalanan manuju parubahan yang lebe bae,” pesan Watubun.

Wakil rakyat dar daerah pamilihan Kota Tual, Malra, deng Aru ini paleng apresiasi karja BPK yang dia nilai su kas bajalang fungsi pangawasan deng profesional deng kase masukan konstruktif par pemerentah daerah.

Benhur juga manilai sistem pangandalian deng pangawasan internal yang pemerentah daerah biking, akang su kas unju parkambangan cukup bae. Mar dia minta par upaya itu tarus tamba lebe bae par dorong parubahan yang lebe kantara dalang tata kalola pemerentahan.

“Beta minta akang tarus lebe bae par kinerja pemerentahan bisa barobah ka arah yang jauh lebe bae,” ujar Benhur.

Dia bilang, opini Wajar Tanpa Pengecualian (WTP) yang kumbali Pemerentah Provinsi Maluku dapa akang, itu manjadi indikator bahwa laporan kauangan daerah su panuhi syarat formal deng material yang su dapa ator.

Maski bagitu, sajumlah catatan deng rekomendasi BPK tetap musti jadi parhatian serius par tata kalola kauangan daerah tamba lebe bae. Par mo pastikan tindak lanjut dar tamuan-tamuan itu bajalang efektif, DPRD Maluku buka paluang par bantuk Panitia Khusus (Pansus).

“DPRD mo partimbangkan par biking pansus dalang rangka biking efektif temuan-temuan BPK ini ka arah parbaikan yang lebe bae,” kata Benhur.

Dia mangaku akang langkah panting par kas kuat sinergi antara DPRD deng pemerentah daerah dalang mangawal implementasi rekomendasi BPK sacara barkalanjutan.

“Deng begitu, katong basinergi deng pemerentah sacara kualitatif par lia bahwa akang parbaikan itu sasungguhnya patut katong biking dan cukup par katong biking pangandalian deng bae,” pungkas Benhur. (Red/Merindu)

Ketua Komisi I DPRD Provinsi Maluku Solichin Buton bilang par awak media, Kamis (4/6/2026), parkara kakarasang yang akang pung palaku sakalompok orang seng dikenal, akang seng boleh lia biasa-biasa saja.

Dia manilai aparat kapolisian parlu ungkap samua palaku yang talibat par kase efek jera sakaligus cegah taulang kajadian sarupa.

“Kapolda musti tegas. Paristiwa pangeroyokan ini musti dapa usut tuntas par ada efek jera par dong,” kata Solichin.

Solichin kastau, kawasan Air Kuning dan sakitar situ su ulang-ulang jadi tampa tindak kriminal mopun kakarasang. Tagal itu, dia minta polisi tambah pangamanan deng pangawasan di sana.

“Ini bukang partama kali. Su ulang-ulang ada kajadian macang ini. Polisi musti sarius par paristiwa macang ini seng parlu jadi kumbali,” ujar politisi PKS itu.

Dia juga mandorong evaluasi tarhadap sistem pangamanan yang salama ini dong biking di Air Kuning. Manurut dia, langkah pancegahan musti biking deng bae par jang taulang kumbali.

Sabage bageang dar fungsi pangawasan, Komisi I DPRD Maluku su ator jadwal mo pangge kapolisian par minta panjalasan manganae upaya pangamanan, tarmaso parkambangan pananganan akang parkara pangaroyokan.

“Katong su biking agenda pangge pihak kapolisian par dalami sampe sajauh mana pangamanan yang dong biking tarhadap paristiwa-paristiwa macang ini,” kata Solichin.

Dia harap panyidik seng cuma barenti di satu orang yang su dapa loko mar juga parlu lia katarlibatan pihak laeng yang iko aniaya korban.

Dalang perkara ini, polisi baru loko satu warga yang dapa duga tarlibat dalang aksi panganiayaan tarhadap korban, Abdullah Mahu (18). Afila sabalong ini manjadi korban pangeroyokan di kawasan Air Kuning, Kebun Cengkeh, Senen, 11 Mei 2026, sekitar pukul 04.00 WIT.

Waktu kajadian, korban ada dapa tugas dar tampa karja. Dia dapa iko lalu dong aniaya dia rame-rame sampe seng sadardiri.

Akibat paristiwa itu, korban dapa luka sarius. Sempat barobat di RS Siloam Ambon sabalong dapa rujuk ka RS Bhayangkara Ambon par kaparluan visum. Kaluarga korban harap polisi lakas ungkap samua palaku yang talibat sahingga proses hukum bisa bajalang dan kaadilan par korban. (Red/Merindu)

Wakil Katua DPRD Maluku Johan Johanis Lewerissa manilai, panartiban padagang di kawasan Pasar Mardika seng cukup malalui panagakan atorang samata, mar juga parlu pandekatan persuasif yang barkalanjutan.

Manurut Johan, upaya panataan padagang sabanarnya pemerentah su biking dar lama, tarmaso di pemerentahan sabalong ini. Mar palaksanaan di lapangan masih tatongka barbage kandala tagal ada parbedaan kapentingan deng kondisi padagang.

“Kabijakan par ator padagang par bajual iko atorang, su biking akang dari lama mar padagang dong juga pung pamikiran deng kapentingan yang laeng sahingga seng samua bisa langsung iko atorang,” kata Johan par wartawan di Kantor DPRD Maluku, Jumat (5/6/2026).

Dia bilang, sabageang padagang pilih bajualan di luar area yang su tasadia tagal dong partimbangkan kasampatan dapa pambali lebe capat. Di sisi laeng, sabageang pambali juga cenderung pilih balanja di lokasi yang gampang dapa jangkau, seng parlu maso sampe dalang gadong pasar.

“Kondisi ini yang kamudian mamicu muncul lapak-lapak di area yang seng sesuai paruntukan deng badampak di kamacetan deng fungsi ruang publik takurang,” ujar Johan.

Johan managaskan, trotoar musti pung fungsi sabage jalur pajalang kaki deng seng pake par tampa bajual. Tagal itu, pemerentah parlu tarus biking pandekatan ka padagang par paham mangapa panting par jaga katartiban dan karapian kawasan pasar.

Manurut dia, kalo saluruh pedagang iko atorang panampatan yang si dapa ator, kawasan pasar akang jadi lebe dapa tata dan ruang publik dapat pake deng bae oleh masyarakat.

Salaeng parsoalan panataan padagang, Johan juga soroti kaluhan sajumlah padagang takait barang dagangan yang ilang dalang gadung pasar. Dia manilai pangalola pasar dan instansi takait parlu maningkatkan pangawasan tarhadap fasilitas yang pemerentah su bangong akang.

“Fasilitas yang pemerentah su sadia ini, musti jaga dan kontrol deng bae. Pangalola mopun dinas takait musti rutin pantau kondisi gadong deng pastikan sistem pangamanan bajalang optimal,” kata Johan.

Dia harap instansi yang uros pardagangan bisa lebe aktif biking pangawasan deng jalankan tanggong jawab pangalolaan pasar sahingga padagang mopun masyarakat bisa baraktivitas deng aman dan nyaman.

“Dinas takait musti hadir par pastikan pasar bajalang deng bae tagal yang saban hari baraktivitas di sana adalah padagang deng masyarakat,” kata Johan. (Red/Merindu)

Panagasan itu dia sampekan takait parhatian tarhadap kabaradaan sajumlah WNA, tarmaso yang biking aktivitas di kawasan pertambangan Gunung Botak, Kabupaten Buru.

“Pemerintah wajib pastikan samua WNA di Indonesia, par iko paraturan kaimigrasian dan katantuan hukum yang barlaku,” tegas Solichin, waktu dapa tahubung dar Ambon, Jumat (5/6/2026).

Solichin bilang, WNA yang pung dokumen lengkap, dan izin kabaradaan yang sah pung hak dapa parlindungan hukum, sabagemana dapa ator dalang paraturan parundang-undangan.

Mar, par dong yang tabukti biking palanggaran, aparat yang pung wewenang harus ambe langkah panindakan tegas iko katantuan yang barlaku.

“Pemerintah musti pastikan, samua WNA di Indonesia iko atorang yang barlaku. Bagi yang pung dokumen langkap deng sah, dia pung hak harus dapa jamin. Mar yang langgar katantuan, musti dapa tindak tegas iko hukum yang barlaku,” kata Solichin.

Manurut dia, parsoalan kabaradaan WNA seng cuma barkaitan deng aspek investasi ato aktivitas ekonomi samata, mar juga manyangkut kapatuhan tarhadap sistem hukum, deng kadaulatan negara.

Tagal itu, pangawasan tarhadap pargarakan orang asing, bae yang maso mopun kaluar wilayah Indonesia, musti maksimal deng barkalanjutan.

“Beta minta Kantor Imigrasi par kas kancang pangawasan tarhadap kaberadaan orang asing di Maluku,” pinta Solichin.

Langkah ini dia nilai panting, par mancagah panyalahgunaan izin tinggal mopun visa kunjungan, par aktivitas yang seng sasuai deng tujuan kadatangan, yang tarcantum dalang dokumen.

Dia bilang, parlu paskali pangawasan yang tarus-manarus, tarutama di tampa-tampa yang pung aktivitas ekonomi tinggi, deng jadi tujuan kadatangan banya tanaga karja asing mopun aupun investor dar luar negeri.

“Jangan sampe ada panyalahgunaan izin tinggal, ato pake visa wisata par karja atau aktivitas laeng yang langgar katantuan. Hal ini musti jadi parhatian serius samua pihak,” ujar Solichin.

Par dukung efektivitas pangawasan, Solichin mandorong palaksanaan operasi, deng pamariksaan dokumen keimigrasian secara berkala.

Kagiatan itu, manurut dia, perlu biking deng tarpadu, deng melibatkan barbage instansi takait, par hasil yang mo dapa, akang lebe maksimal deng manyaluruh.

Salaeng itu, DPRD Provinsi Maluku juga buka kamungkinan par pangge pihak Kantor Imigrasi, par minta panjalasan resmi, takait mekanisme pangawasan dan pananganan WNA di Maluku.

“Langkah ini sabage bageang dar palaksanaan fungsi pangawasan DPRD tarhadap kinerja instansi pemerentah,” sebut Solichin.

Manurut dia, Komisi I deng Komisi III DPRD Provinsi Maluku pung kawenangan konstitusional, par minta katarangang dar pihak takait, par pastikan sistem pangawasan kaimigrasian bajalang iko atorang, deng sondor ada celah palanggaran yang dapa kas lewat.

“Parlu ada panjelasan resmi dar pihak Imigrasi, manganae mekanisme pangawasan tarhadap WNA, yang salama ini bajalang. DPRD nanti minta katarangang, par parsoalan ini bisa dapa handel sampe klar, seng bale jadi masalah hukum maupun sosial, eso-eso,” tegas dia.

Solichin harap, sinergi Kantor Imigrasi, pemerentah daerah, aparat keamanan, dan samua pamangku kapantingan tarus dapa kas kancang.

Akang pung tujuan mo pastikan kaberadaan WNA di Maluku kase manfaat ekonomi yang nyata, deng seng bawa dampak negatif ato konflik di tengah masyarakat,” tandas Solichin Buton. (Red/Merindu)

Akang parnyataan ini kaluar dar anggota Komisi VI DPRD Provinsi Maluku Yan Zamora Noach par awak media, Kamis (4/6/2026). Dia mangaku sampe oras ini, balong lia info yang jalas manganae kaparluan tanaga karja dar operator poyek.

“Sampe sajao ini beta balong bisa banya bicara soal kasiapan pemerentah daerah biking siap tanaga karja, tagal beta balong lia info jalas manganai kabutuhan tanaga karja di sana. Kalo Katong bicara kabutuhan operator, musti ada info sahingga tau batuk kompetensi yang investor parlu,” ujar Yan.

Manurut dia, sabalong proyek bajalang, investor deng operator musti biking panarangan malalui diskusi deng pemerentah daerah, lembaga pendidikan, deng masyarakat.

Langkah itu panting par masyarakat dapa gambaran manganae jenis pekerjaan dan kompetensi yang dibutuhkan.
Dia kase contoh, info manganae kabutuhan tanaga karja macang tukang las, teknisi pipa, mopun barbage profesi laenf musti kastau sacara tabuka.

Deng bagitu, pemerrntah daerah bisa karja sama deng lembaga pendidikan dan pelatihan par biking siap sumber daya manusia yang sasuai kabutuhan industri.

“Yang paleng panting itu sertifikat kompetensi. Kalo masyarakat su tau kabutuhan tanaga karja apa saja, dong bisa iko palatihan yang pas sahingga waktu dapa parlu, dong su siap,” kata Yan.

Dia manilai, parlu ada pemataan kabutuhan tanaga karja dar tahap konstruksi sampe produksi. Manurut Yan, info manganar jumlah tanaga karja yang investor parlu deng akang pung kompetensi, musti dapa tau dar kamuka.

“Musti dong kas jalas barapa tanaga yang parlu di masa konstruksi lalu produksi, deng kompetensi apa yang parlu,” ujar Yan.

Dia tamba lai, tanaga kerja dari luar daerah umumnya su pung info jadi lebe siap, tagal dong deka deng sumber informasi, investor mopun operator. Tagal itu, masyarakat Maluku seng boleh katinggalan akses informasi.

Takait persentase tanaga karja lokal yang mo taserap dalang proyek, Noach mangaku DPRD Maluku balong dapa data resmi. Maski bagitu, Dewan mo tarus pantau parkambangan proyek par masyarakat Maluku dapa kasampatan karja yang optimal.

“Pangangguran di Maluku masih cukup tinggi. Karena itu, satiap informasi takait palatihan pasti masyarakat suka akang. Yang jadi partanyaan adalah apakah palatihan banar-banar sasuai deng kabutuhan pakarjaan yang nanti tasadia,” kata dia

DPRD Maluku, lanjut Yan, mo tarus lia proses panyiapan tanaga karja lokal agar manfaat proyek strategis nasional bisa dapa rasa deng nyata oleh masyarakat, lebe-lebe dalang mambuka lapangan karja dan kas nae kualitas sumber daya manusia daerah. (Red)

Parkara ini sakarang dalang pananganan intensif aparat panagak hukum deng jadi parhatian sarius tagal manyangkut parlindungan tarhadap anana.

Kasi Humas Polres SBB Ipda Asep Souisa bilang panahanan tarhadap YS setelah panyidik Satuan Reserse Kriminal (Satreskrim) biking sarangkeang panyalidikan deng panyidikan bardasarkan laporan dar korban.

“Panyidik su biking sarangkeang panyelidikan deng panyidikan sampe tetapkan YS sabage tarsangka. Oras ini dia su dapa tahang di Rutan Polres SBB par kapantingan proses hukum lebe lanjut,” kata Asep, Salasa (2/6/2026).

Paristiwa dugaan tindak pidana itu, akang jadi har Jumat, 22 Mei 2026 sakitar jam 03.00 WIT di sabuah kamar di Dusun Hatumuli, Desa Piru, Kecamatan Seram Barat, Kabupaten Seram Bagian Barat.

Bagitu abis dapa laporan, polisi langsung biking pandalaman sampe akhirnya kas nae status tarlapor sabage tarsangka deng biking panahanan par kas lancar proses hukum.

Dalang perkara ini, tarsangka dapa jareng deng Pasal 473 ayat (2) huruf b juncto Pasal 126 ayat (1) Undang-Undang Nomor 1 Taong 2023 tentang Kitab Undang-Undang Hukum Pidana (KUHP).

Salaeng itu, panyidik juga terapkan Pasal 81 ayat (2) Undang-Undang Nomor 17 Taong  2016 tentang Parlindungan Anak juncto Pasal 76D Undang-Undang Nomor 35 Taong 2014 tentang Parlindungan Anak.

Polres SBB managaskan komitmen par manindak tegas satiap palaku tindak pidana yang malibatkan anana deng mo pastikan korban dapa parlindungan sasuai katantuan hukum yang barlaku.

Asep juga mangimbau masyarakat par lebe paduli tarhadap lingkungan sakitar deng lakas lapor kapolisian kalo dapa tau ada tindak pidana tarhadap anak.

“Partisipasi masyarakat paleng penting par parkara macang bagini lakas dapa handel deng seng bawa dampak lebe loas,” pungkas Asep. (Red)

Parsoalan rangkap tugas ini jadi salah satu masalah yang Komisi IV DPRD Provinsi Maluku dapa akang waktu biking pangawasan langsung ka Sekolah Siwalima, balong lama ini.

Yan Noach menilai, pangelolaan asrama di Sekolah Siwalima Ambon parlu dapa parhatian sarius dar Pemerentah Provinsi (Pemprov) Maluku. Akang parlu paskali, tagal sampe oras ini, balong ada tanaga pangalola asrama yang secara khusus handel kahidupan siswa, sahingga akang tanggong jawab masih dapa kase par beban tambahan guru-guru.

Manurut Noach, sistem yang bajalang oras ini mamaksa guru manjalankan tanggung jawab tambahan, di luar tugas utama sabage tanaga pendidik.

“Guru seng hanya mangajar di kalas, mar juga musti urus kagiatan di asrama sampe malang hari. Padahal, akang pung eso pagi dong musti bale par tugas utama mangajar,” kata Noach, waktu dapa hubungi dari Ambon, Salasa (2/6/2026).

Dia ure akang, sakolah yang pake asrama pung kabutuhan pangelolaan yang laeng, kalo banding deng sakolah sacara umum.

Salaeng proses balajar mangajar, ada barbage aktivitas siswa di luar jam palajaran, yang parlu pangawasan deng pambinaan sacara barkalanjutan.

Mar, tagal balong tasadia tanaga khusus par handel asrama, akang tanggong jawab akhirnya bale par guru-guru.

Kondisi ini, manurut Noach, akang bisa bikin guru kalalahan deng bisa biking turun efektivitas tugas mangajar.

“Musti ada tanaga pangalola asrama yang memang dapa tugas khusus, par tangani kahidupan siswa di lingkungan tampa tinggal. Deng bagitu, guru bisa lebe fokus jalankan fungsi pendidikan dalang kalas,” ujar Noach.

Noach manilai, kaberadaan tanaga pangalola asrama bukang sakadar kabutuhan administratif belaka, malaengkang manjadi bageang penting dar sistem pendidikan deng asrama.

Tanaga yang bartugas khusus di asrama nanti mo bantu pastikan pambinaan karakter, kadisiplinan, deng pamanuhan kabutuhan sahari-hari siswa dapat baajalang lebih optimal.

Tagal itu, DPRD Provinsi Maluku mandorong pemerentah daerah par partimbangkan panambahan sumber daya manusia, yang secara resmi pung tugas kalola asrama Sekolah Siwalima.

Salaeng sorot parsoalan pangalolaan, Noach akui ada parkambangan positif yang komisi dapa dalang pangawasan. Salah satu itu, pasokan aer barsih yang kamuka sempat jadi keluhan utama siswa dan pihak sekolah.

“Kalo pamanuhan kabutuhan aer barsih, akang pung kondisi su jauh lebe bae kalo bandong deng yang kamuka. Hal ini tantu marupakan kamajuan yang patut dapa apresiasi,” kata Noach.

Maski bagitu, dia sebut, masih ada sajumlah pakarjaan rumah yang musti pemerentah biking bae, bae dar sisi sistem pangelolaan maupun panyadiaan fasilitas pandukung par siswa.

Manurut Noach, kabarhasilan Sekolah Siwalima sabagai salah satu sekolah unggulan di Maluku seng hanya dar kualitas akademik samata, mar juga oleh sistem pambinaan deng kanyamanan lingkungan tampa tinggal siswa selama iko pendidikan.

“Kalo mo dapa lulusan yang pung kualitas, saluruh aspek pandukung pendidikan musti dapa perhatikan, tarmasuk asrama. Jang sampe guru dapa kena beban dengan tugas yang talalu banya, cuma tagal balong ada tanaga khusus,” ujar Noach. (Red/Merindu)

Akang panunjukan ini, langsung dapa kastau dar Ketua DPD I Golkar Maluku Umar Lessy, waktu pimpin Rapat Pleno III di Sekretariat Partai Golkar kawasan Karang Panjang, Ambon, Senen (1/6/2026).

Tiga nama yang dapa tunjuk masing-masing Ely Toisutta sabage Plt DPD II Kota Ambon, Yunus Serang sabage Plt DPD II Kabupaten Maluku Tenggara, serta Richard Rahakbauw sabage Plt DPD II Kabupaten Maluku Barat Daya.

Umar bilang, panunjukan akang Plt ini sabage langkah strategis par biking capat konsolidasi internal partei, lebe khusus dalam manghadapi agenda Musyawarah Daerah (Musda) di masing-masing wilayah.

“Katiga Plt ini pung tugas utama lakas biking Musda dalang dua-tiga bulan ka muka, par lakas biking jadi pangurus definitif,” ujar Umar Lessy.

Manurut dia, parcelapatan Musda manjadi panting par struktur organisasi partei di daerah dapat bajalang lebe efektif deng solid dalang manghadapi agenda politik mandatang.

Salaeng biking siap Musda, tiga Plt juga dapa minta par biking konsolidasi manyeluruh sampe ka kacamatan deng desa. Langkah ini dia anggap panting par kas Lebe kuat basis dukungan partei di akar rumput.

Umar juga tekankan parlu evaluasi tarhadap kinerja organisasi, tarmasuk identifikasi kalamahan yang biking parolehan kadera legislatif di beberapa daerah.

“Momentum ini musti pake par biking pambenahan. Katong seng boleh ulangi kasalahan yang sama di tempo hari,” tegas Umar.

Lebih lanjut, Umar biking inga, pambentukan kapangurusan definitif malalui Musda akang jadi pondasi panting par kas siap Masin partei tangada Pemilu dan Pilkada eso-eso.

Umar harap tiga Plt bisa karja capat, carmat, deng tetap manjaga soliditas kader di daerah masing-masing.

“Katong inging pastikan Golkar kumbali kuat di samua tingkatan. Karena itu, Plt musti mampu rangkul samua elemen deng manjaga kabarsamaan di internal partalei,” kata Umur.

Manutup arahan, Umar bilang deng tegas, langkah panunjukan Plt ini marupakan bagian dari strategi basar par kas bale kajayaan Partai Golkar di Maluku.

“Deng struktur yang solid dan kader yang siap, katong optimis Golkar kumbali jadi kakuatan utama politik di Maluku,” pungkas Umar. (Opa)

Benhur ajak anana muda Maluku par biking kuat karakter kabangsaan, marawat toleransi, deng jaga parsatuan sabage modal par bangong daerah deng bangsa.

Benhur bicara samua itu waktu dapa tasambung dar Ambon, Senen (1/6/2026), pas paringatan Hari Lahir Pancasila. Manurut Benhur, Pancasila bukang sakadar dasar negara ato dokumen sejarah yang dapa paringatang sabang taong, malaengkang p ideologi yang samua musti hayati deng amalkan akang dalang perilaku masyarakat, tarutama anana muda yang eso-eso jadi panentu masa depan bangsa.

“Hari Lahir Pancasila musti jadi momen refleksi par saluruh putra-putri bangsa, lebe khusus anana muda Maluku, par paham bahwa kebaragaman yang katong punya, akang jadi satu kakuatang. Pancasila ajar katong hidop dalang parsaudaraan, hargai parbedaan, deng bakarja barsama par kamajuan daerah mopun bangsa,” ujar Benhur.

Dia bilang, tantangan yang anana muda dapa akang sakarang su laeng paskali kalo mo banding akang deng tempo sabalong ini.
Parkambangan teknologi informasi, arus globalisasi, deng panaebaran informasi di media sosial yang kancang manuntut anana muda pung kamampuan bapikir kritis, par seng gampang tagoda Deng informasi yang biking ilang jalang.

Benhur manilai, Pancasila pung nilai-nilai masih tetap relevan, par jadi padoman par tangada barbage dinamika kahidupan modern.

Sikap toleransi, masohi, keadilan sosial, deng panghormatan tarhadap harkat deng martabat kamanusiaan musti tarus dapa jaga dan bawa akang dalam praktek hidop masyarakat.

“Di era digital macang oras ini, anana muda musti jadi agen parsatuan, bukang panyebar kabencian. Pake media sosial par sebar hal-hal positif, kas kuat tali parsaudaraan, deng tarus promosi potensi daerah. Jang gampang dapa makang cabar deng isu-isu, yang bisa kas pica parsatuan masyarakat,” kata Benhur.

Dia juga kas inga samua par jaga samangat Pela Gandong sabage warisan budaya yang salaras deng nilai-nilai Pancasila.

Manurut Benhur, budaya hidop orang basudara yang su lama batumbuh dan hidop di Maluku marupakan modal sosial yang paleng barharga, pas kas lebe kuat kahidupan barbangsa deng barnegara.

Benhur bilang, anana muda musti tarus kas kuat kapasitas diri malalui pendidikan, panguasaan teknologi, inovasi, dan kreativitas par mampu barsaing di tingkat nasional moupun global, deng sondor ilang jati diri sabage putra bangsa.

“Katong parlu anana muda yang cerdas pung karakter, pung integritas, deng tetap polo rapat nilai-nilai Pancasila. Kamajuan teknologi musti dong pake par biking karya deng prestasi, bukang apa-apa yang kas rusak haru eso,” tegas Benhur.

Dia harap, paringatan Hari Lahir Pancasila taong 2026 seng cuma seremonial sa, malaengkang musti mampu dorong kasadaran barsama, par amalkan nilai-nilai Pancasila dalang hidop harhari.

“Kalo anana muda Maluku mampu pake Pancasila sabage padoman hidop, Beta parcaya dong mo jadi kakuatang basar dalang mambangun Maluku yang majo, dame, deng sajahtera, lalu iko jaga kautuhan NKRI,” tandas Benhur. (Red/Merindu)

Anggota DPRD Provinsi Maluku Rimaniar Julindra Hetharia, menilai kegiatan ini bukang sekadar rutinitas keagamaan saja, tapi bukti nyata kepedulian sosial yang musti tarus dijaga jadi tradisi tiap taong di Maluku.

“Beta secara khusus kasi apresiasi par Pemerintah Provinsi Maluku, PHBI, deng semua pihak yang su kase sumbangan hewan kurban par Bapak Wakil Gubernur, Abdullah Vanath. Semoga kegiatan bagini bisa tarus jalan tiap taong,” ujarnya.

Menurut Hetharia, proses penyembelihan sampe pembagian daging kurban par masyarakat yang butuh jadi simbol kuat kebersamaan, apalagi di momen Hari Raya Iduladha 1447 Hijriah.

Dia bilang, tradisi ini bukang cuma kase kuat nilai agama, tapi juga pererat hubungan sosial antarwarga di Maluku yang memang hidup dalang keberagaman.

“Ini bukang cuma bageang dari perayaan agama, tapi juga simbol solidaritas sosial yang mustti tarus katong jaga di tenga-tenga masyarakat,” katanya.

Dorong Jadi Tradisi Tiap Tahun

Rimaniar juga bilang kalo Wakil Gubernur Maluku punya perhatian basar supaya tradisi kurban ini tarus dijaga dan dilaksanakan tiap taong

Hal ini bahkan su disampaikan ke Sekretaris Daerah Provinsi Maluku Sadali Ie, sebagai bagian dari upaya jaga tradisi keagamaan di daerah.

“Tadi Bapak Wakil Gubernur juga bilang kalo tradisi kurban bagini harus tetap jalan tiap taong. Ini jadi catatan penting par samua pihak,” ujarnya.

Jaga Harmoni Sosial Masyarakat

Politisi Partai NasDem itu tamba lai, pelestarian tradisi agama deng budaya ini penting par jaga keharmonisan masyarakat Maluku.

Menurut dia, nilai kebersamaan yang dibangun lewat kegiatan bagini bisa bantu tekan potensi konflik sosial, sekaligus perkuat rasa basudara antarwarga.

“Ini bukti kalo Maluku tarus jaga tradisi-tradisi bae di bidang agama maupun budaya, sebagai bagian dari jaga keharmonisan masyarakat,” tandasnya.

Dalam kegiatan itu, daging kurban juga dibagi par masyarakat yang butuh di beberapa wilayah di Kota Ambon, sebagai wujud semangat berbagi di momen Iduladha. (Red/Merindu)